Տրեդմիլ հետազոտություն

Տրեդմիլ հետազոտությունը նախատեսված է օրգանիզմի բեռնվածության պայմաններում սիրտ-անոթային համակարգում տեղի ունեցող փոփոխությունները գնահատելու համար:

Հանգստի պայմաններում ՝թաքնված, չդրսևորվող ախտաբանություններն ի հայտ բերելու նպատակով օրգանիզմը դիտարկում են սթրեսի պայմաններում։ Գնահատվում են մի շարք պարամետրեր՝ էլեկրտրասրտագրի, զարկերակային ճնշման, թթվածնի զավթմամբ օրգանիզմի բեռնվածության կարողություն։

Ինչպե՞ս նախապատրաստվել Տրեդմիլ հետազոտությանը:

Տրեդմիլ թեստին պետք է ներկայանալ հարմարավետ հագուստով:

Տրեդմիլ թեստին նախորդող 2 ժամվա ընթացքում ցանկալի չէ սնունդ և ծխախոտ օգտագործելը:

Որոշ դեղատեսակներ պետք է դադարեցնել տրեդմիլ հետազոտության նախորդող 24 ժամվա ընթացքում, այդ թվում բետտա պաշարիչներ, կալցիումական անցուղիների պաշարիչներ, նիտրատներ:

Ինչպե՞ս է անց կացվում Տրեդմիլ հետազոտությունը:

-   Մարմնի վրա փակցվում են էլեկտրոդներ (տղամարդկանց դեպքում՝ սափրելով կրծքավանդակի մազածածկույթը):

-   Ձեռքերից մեկի վրա կապվում է տոնոմետրը- հետազոտության ընթացքում պարբերաբար ճնշաչափումներ իրականացնելու նպատակով:

-   Տրեդմիլ հետազոտության ընթացքում բուժառուն պետք է հայացքը դեպի առաջ ուղղի (ցած նայելիս գլխապտույտի, հավասարակշռության խանգարման հավանականություն): Վազելու փոխարեն իրականացնի արագ քայլք:

-   Տրեդմիլ հետազոտության ընթացքում մարզասարքը աստիճանաբար մեծացնում է արագությունը, թեքությունը - նպատակը՝ հասնել պուլսի որոշակի տիրույթի (տարիքին և սեռին համապատասխան սուբմաքսիմալ սրտազարկին):

Ո՞ր դեպքերում է անհրաժեշտ կատարել տրեդմիլ հետազոտություն:

-   Երբ կա սրտի անոթների հիվանդության կասկած:

-   Սրտի անոթների ստենտավորման և շունտավորման դեպքում  արդյունավետության գնահատման համար:

-   Նախավիրահատական և որոշ միջամտությունների (Օր.՝ դիալիզ) իրականացման սիրտ - անոթային ռիսկի գնահատման նպատակով և այլն:

-   Որոշ առիթմիաների ՙՙբարորակությունը՚՚ գնահատելու համար (էքստրասիստոլաները անվտանգ են, եթե վերանում են տրեդմիլ հետազոտության ընթացքում):

-   Սինուսային հանգույցի թուլություն ախտորոշելու համար:

Տրեդմիլ հետազոտությունը բացարձակ հակացուցված է եթե հիվանդի մոտ առկա է՝

-   Աորտայի դիսսեկցիայի

-   Սուր կորոնար համախտանիշ

-   Թոքային զարկերակի թրոմբոէմբոլիա,

-   Էնդոկարդիտ

-   Պերիմիոկարդիտ/միոկարդիտ

-   Խորանիստ երակների թրոմբոզ

-   Ծանր աորտալ ստենոզ

-   Կյանքին վտանգ սպառնացող առիթմիաների ռիսկ